Urdu

مگرناشپاتی (ایواکاڈو) آئل: صحت کا خزانہ

قیا س ہے کہ مکنہ طور پر جنوبی وسطی میکسیکو سے شروع ہونے والے درخت، ایواکاڈو کی پھولوں والے پودوں کے کنبے لوراسی کے ممبر کے طور پر درجہ بند ی کی گئی۔ اس کا پھل جسے ایواکاڈو یا مگر ناشپاتی بھی کہا جاتا ہے کہا جاتا ہے، نباتاتی لحاظ سے ایک بڑی سی بیری ہے جس میں ایک ہی بڑا بیج ہوتا ہے۔ ایواکاڈو تجارتی لحاظ سے قابل قدر ہے جسے خاص طور پر اسنکنڈنیویائی ممالک اور بحیرہ روم کی آب و ہوا میں کاشت کیا جاتا ہے۔ ان کا ایک ہری جلد دار، گوشت دار جسم ہے جو ناشپاتیاں کی شکل کا، انڈے کے سائز کا یا کروی ہو سکتا ہے۔ تجارتی لحاظ سے2017 ء میں میکسیکو نے دنیا بھر میں 34 فیصد ایواکاڈو سپلائی کیا تھا۔

پھل
ایواکاڈو ایک ایسا پھل ہے جس میں قدرت نے انسان کیلئے بے شمار فوائد رکھے ہیں۔ اس میں وٹامن سی اور وٹامن بی6 کی مقدار زیادہ پائی جاتی ہے۔ اس میں بیہنائل الکحل، ڈوڈیسینوئک ایسڈ اور ہیپٹا کوسین بھی پائے جاتے ہیں، جو مختلف بیماریوں سے بچاؤ میں معاون ثابت ہوتے ہی۔ علاوہ ازیں ایواکاڈو میں اولک کمپاؤنڈ بھی موجود ہوتا ہے جو چھاتی کے سرطان سے بچاتا ہے۔


تیل کے فوائد
یونیورسٹی آف ٹیکساس ریو گرانڈ ویلی کے شعبہ کیمیا کے ماہرین نے ایواکاڈو کی 300 گٹھلیوں کا چھلکا جمع کر کے اس کا پاؤڈر تیار کیا اور اسے پروسیس کرکے دو چمچے تیل اور ایک چمچہ چکنائی میں تبدیل کیا۔ تیل پر مزید تحقیق سے یہ بات سامنے آئی کہ ایواکاڈو آئل میں 116 اقسام کے مختلف مرکبات (کمپاؤنڈ) دریافت ہوئے۔ ان میں تین کمپاؤنڈ بہت کارآمد نکلے جن کے نام بیہنائل الکحل، ڈوڈیسینوئک ایسڈ اور ہیپٹا کوسین ہیں جو بالترتیب جراثیم ختم کرنے، اچھے کولیسٹرول کو پروان چڑھانے اور سرطانی رسولیوں کو ختم کرنے میں شہرت رکھتے ہیں۔

جلد اور ناخنوں کا محافظ
ایواکاڈو میں پایا جانے ولافیٹ (مونو ان سیچوریٹڈ فیٹ)بال، جلد اور ناخنوں کے لئے مفید ہوتا ہے۔ جلدی امراض کے ڈاکٹروں کے مطابق اس سے نہ صرف جلد خوبصورت ہوتی ہے بلکہ جلدی امراض جیسے ایگزیما، الرجی،ایکنی،چھائیاں اور جلن بھی دور ہو جاتی ہے۔ اس کے استعمال سے جلد پر عمر رسیدگی کے نشانات اور جھریاں بھی ختم ہوتی ہیں۔

کیل مہاسوں سے نجات دلائے!
ایواکاڈو آئل چہرے ہر لگا کر کچھ وقت کے بعد گرم پانی سے چہرہ دھو لیں۔ یہ تیل اپنی باقیات چھوڑے بغیر جلد کو ہائیڈریٹڈ رکھ سکتا ہے جس سے مہاسوں کا خطرہ کم ہو سکتا ہے۔ ایوکاڈو آئل میں سوزش کے اثرات بھی ہیں، جو مہاسوں سے وابستہ لالی اور سوجن کو کم کرنے میں مدد کرسکتے ہیں۔

آنکھیں چمکدار بنائے!
ایواکاڈو آئل میں لوٹین نامی کمپاؤنڈ پایا جاتا ہے جو آنکھوں کو روشن اور چمک دار بناتا ہے۔ اس میں موجود ایسنشیل فیٹ (پولی ان سیچوریٹڈ اور مونو ان سیچوریٹڈ فیٹ) پائے جاتے ہیں جو ذہنی اور جسمانی صحت کے ساتھ ساتھ آنکھوں کو چمک دار بناتے ہیں۔

بلڈ پریشر کنٹرول کرے، ذہنی دباؤ سے بچائے
اس کا استعمال بڑھتے وزن کو کنٹرول کرتا ہے۔ ہسٹیریا، ذہنی دباؤ اور بلڈ پریشر جیسے امراض میں مفید ثابت ہوتا ہے۔ایوا کاڈو پوٹاشیم سے بھرپور ہوتا ہے جو بلڈپریشر کو کنٹرول کرتا ہے۔ اس میں کیلے سے بھی زیادہ پوٹاشیم پایا جاتا ہے جو دوران خون کو مسلسل اعتدال میں رکھتا ہے۔

بالوں کی نشوونما میں معاون
ایواکاڈو آئل بالوں کی نشوونما کیلئے بھی بہترین ٹانک ہے۔ اگر آپ زیتون کے تیل میں ایواکاڈو، جوجوبا آئل، وٹامن ای اور لیونڈر آئل کو شامل کر کے سر کا مساج کریں تو یہ سر کی جلد مناسب مقدار میں نمی فراہم کر کے خشکی کو دور کرتے ہیں۔ یہ صحت مند بالوں کی نشونما کے لیے بے حد اہم ہے۔

مسوڑوں کی بیماریاں روکنے میں مدد گار
ایواکاڈو آئل مسوڑوں کے امراض سے بھی محفوظ رکھتا ہے۔ مسوڑوں کے امراض سوزش، مسوڑوں سے خون بہنا، بو کی بو آنا اور دانتوں کے گرد ہڈیوں اور ٹشووں کی خرابی جیسے وغیرہ شامل ہیں۔ یہ وہ امراض ہیں جو بگڑ جائیں تو دانتوں کی کمی کا سبب بن سکتے ہیں۔ایک تحقیق کیکے مطابق ایواکاوڈو اور سویابین آئل ایک IL1B (19 ٹرسٹڈ سورس) نامی پروٹین کو روک سکتا ہے جو مسوڑوں کی سوجن کا باعث بنتا اورہڈیوں کے نقصان کا اصل محرک ہوتا ہے۔

ہڈیاں مضبوط بنائے!
ایواکاڈو میں پائے جانے والے اجزاء ہڈیوں کو مضبوط بناتے ہیں۔ وہ خواتین جو ہڈیوں کے بھر بھرے ہونے کے مرض میں مبتلا ہوں انھیں آدھا کپ ایوا کاڈو کا استعمال کرنا چاہئے، زچگی کے دوران اور بعد میں خواتین کے جوڑوں میں درد ہو یا بڑے آپریشن کے بعد خون،کیلشیم اور میگنیشیم کی کمی ہو،ایوا کاڈ وکے استعمال سے اس کمی کو فوری طور پر پورا کیا جا سکتا ہے اس میں موجود میگنیشیم قوت مدافعت کو بڑھاتا ہے لہذا وہ خواتین جو دودھ پلاتی ہوں اور کمر کے درد کا شکار ہوں،یا پھر حمل کے دوران یا زچگی کے بعد مستقل بیمار رہتی ہوں انھیں اس کا استعمال کرنا چاہئے۔

نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔

ایواکاڈو کا تیل اور اس سے متعلق اصلی اور خالص مصنوعات خریدنے کیلئے کلک کریں