Onion Infused Oil – Reduces Hair Fall & Accelerates Hair Regrowth [پیاز کا تیل]

Urdu Blog

بالوں کے مختلف امراض کا قدرتی علاج:

قدرت کا انمول تحفہ پیاز جو ہمارے کھانوں میں ذائقہ لانے کے علاوہ صحت میں بہتری کی وجہ بھی بنتی ہے۔ پیاز ہمارے کھانوں میں لازمی جزو کا درجہ رکھتی ہے لیکن عمومی صحت کے معاملے میں اس کے بہت سے فائدے بھی ہیں جن سے عام طور پر ہم واقف ہی نہیں یا پھر انہیں سرے سے نظر انداز کر جاتے ہیں۔ پیاز میں وٹامن سی کے علاوہ ایسے قدرتی کیمیکلز بھی شامل ہوتے ہیں جو بیماریوں کے خلاف ہمارے جسم کے دفاعی نظام یعنی امیون سسٹم کو مضبوط بناتے ہیں۔ کرمیم کہلانے والی ایک قدرتی دھات بھی پیاز میں موجود ہوتی ہے جس کی بدولت خون میں شکر کی مقدار قابو رکھنے میں مدد ملتی ہے۔ زخموں میں جلن کم کرنے اور ایڑیوں کی تکلیف سے چھٹکارا پانے میں بھی پیاز کی افادیت صدیوں سے تسلیم شدہ ہے۔ اگر پیاز کو پکائے بغیر، خام حالت میں کھایا جائے تو یہ جسم کو نقصان پہنچانے والے کولیسٹرول یعنی ’’ایل ڈی ایل‘‘ کو بننے سے روکتی ہے اور آپ کو بلڈ پریشر اور دل کی بیماریوں سے محفوظ کرنے میں بھی مدد کرتی ہے۔پیاز ہر موسم میں دستیاب ہوتی ہے۔کچی پیاز کے فوائد کے ساتھ ساتھ پیاز کا تیل بھی افادیت سے بھرپور ہے۔ پیاز کے تیل کے مختلف فوائد حسبِ ذیل ہیں۔

گرتے بالوں کا علاج:

بالوں کے گرنے سے انسان کا اعتماد ختم ہو جاتا ہے بلکہ گنج پن کے ظاہر ہونے سے شخصیت بھی متاثر ہوتی ہے۔ اگر گرتے بالوں سے پریشان ہیں تو ایک بار پیاز کا تیل استعمال کرنا شرط ہے۔ گرتے بال آج کل سب ہی کا مسئلہ ہے، خواتین میں بال لمبے، گھنے، چمکدار کرنے کی خواہش مردوں کے مقابلے میں زیادہ پائی جاتی ہے، اچھے بالوں کے لیے کافی محنت اور انتہائی نگہداشت درکار ہوتی ہے مگر لمبے لمبے ٹوٹکوں کے لیے مصروف ترین دن میں سے وقت نکالنا خود ایک بڑا مسئلہ ہے۔ بالوں کا خوبصورت، لچکدار، لمبا اور گھنا ہونا سب خواتین کی بڑی خواہش ہے اور وہ یہ چاہتی ہیں کہ ان کے بال کسی اپسرا سے کم نظر نہ آئیں مگر حسین بالوں کی خواہش کم ہی خواتین کی پوری ہوتی ہے کیونکہ یہ ایک قدرتی حسن بھی ہے اور آج کل غذائوں کے متوازن نہ ہونے کی وجہ سے بھی بال گرنے لگتے ہیں لیکن اگر قدرتی طریقوں کا استعمال کیا جائے تو بال نہ ہی خراب ہوں گے اور نہ ان پر کسی قسم کے سائیڈ افیکٹ پڑیں گے۔ پیاز کے بارے میں تو آپ کو معلوم ہی ہو گا کہ یہ بالوں کی نشونما اور ان کو بڑھآنے کے لیے کس قدر مفید ہے لیکن پیاز کا تیل استعمال کر کے آپ اپنے بالوں کو کم ہی وقت میں زیادہ بڑھآ سکتے ہیں۔ بالوں میں تیل لگانا نہایت ضروری ہے، تیل سے نشونما اور بالوں کو نرم و ملائم رہنے سمیت بڑھنے میں مدد ملتی ہے اور بالوں کا گرنا بند ہو جاتا ہے، پیاز کا تیل اور پانی اس عمل کے لیے بہترین ہے، پیاز میں سلفر اور اینٹی سیپٹک جزو پائے جانے کی وجہ سے بالوں کو بڑھنے اور انفیکشن، الرجی سے پاک اور صاف رہنے میں مدد ملتی ہے جس سے بالوں کا گرنا بند ہو جاتا ہے۔ پیاز کا پانی نکال کر استعمال کرنا ایک مشکل مرحلہ ہے، پیاز کی تیکھی بو سے اسے لگا کر نہانے تک کا وقت کافی تکلیف دہ ثابت ہوتا ہے مگر اس کے فوائد بے شمار ہیں جبکہ پیاز کا تیل بنا کر اسے عام روٹین میں استعمال کرنا آسان بھی ہے اور فائدہ مند بھی۔ یہ ایک مکمل دیسی علاج ہے جس کا کوئی نقصان نہیں، بہترین نتائج کے لیے ہفتے میں 2 سے 3 بار اس تیل کا استعمال کیجئے اور حیرت انگیز فوائد حاصل کریں-

گنچ پن کا خاتمہ:

عام طور پر مردوں کے بال تیزی سے گرنا شروع ہو جاتے ہیں اور یہاں تک کہ ان میں گنج پن بھی نمودار ہونے لگتا ہے۔ اس صورت میں تین سے چار سرخ پیاز لے لیں۔ اس کو بلینڈ کر لیں اس کے بعد کسی چھنی میں چھان کر اس کا رس نکال لیں۔ اور اس رس سے سر کی کھوپڑی پر اچھی طرح مساج کر لیں۔ دو سے تین گھنٹوں کے بعد اس کو دھو لیں۔ یہ عمل ایک مہینے تک ہفتے میں دو بار کریں۔ اگر آپ پیاز کو بلینڈ نہیں کر سکتے تو بازار میں بنا بنایا تیل دستیاب ہے جسے آپ آسانی سے استعمال کر سکتے ہیں جس میں کوئی بو وغیرہ نہیں ہوتی۔ پیاز کے رس میں سلفر بڑی مقدار میں موجود ہوتا ہے۔ جو کھوپڑی پر موجود مردہ خلیات کو صاف کر دیتا ہے۔ نئے خلیوں کے بننے میں مدد دیتا ہے جس سے نئے بالوں کے نکلنے کی راہ ہموار ہوتی ہے اور گنج پن کا خاتمہ ہوتا ہے۔
خشکی دور کرے:
پیاز کے تیل میں ایسے کیمیمکل ہوتے موجود ہیں۔ جو جلد کی سوزش میں آرام پہنچاتے ہیں۔ سر کی خشکی کے سبب عام طور پر جلد پر کھجلی اور سوزش الجھن کا باعث بنتی ہے۔ پیاز کے تیل کے استعمال سے اس کھجلی اور سوزش کا ناصرف خاتمہ ہوتا ہے۔ بلکہ اس سے مزید خشکی کے بننے کا عمل بھی رکتا ہے۔ خشکی کے خاتمے کے لیے ناریل اور ارنڈی کے تیل کو ہم وزن ملا لیں۔ ہم وزن ہی پیاز کا تیل شامل کر لیں اور اس سے سر کی جلد پر اچھی طرح مساج کریں، ایک گھنٹے کے بعد دھو لیں یہ عمل ہفتے میں تین بار کرنے سے ایک ماہ میں خشکی کا مکمل خاتمہ ہو جاتا ہے۔

بالچر میں مفید:

بال چر بالوں کی ایسی بیماری ہے۔ جس میں سر یا جسم کے کسی بھی حصے کے بال گرنا شروع ہو جاتے ہیں۔ اس جگہ کے مسام بالکل بند ہو جاتے ہیں اور وہاں بالوں کی نشونما رک جاتی ہے۔ اس بیماری کا علاج بہت طویل اور صبر آزما ہوتا ہے۔ جس کی وجہ سے زیادہ تر مریض مایوس ہو جاتے ہیں۔ پیاز کا تیل لے لیں، اس میں ایک چمچ شہد شامل کر لیں۔ محلول کو بال چر والی جگہ پر لگائیں اور اس کے بعد اس کو ایسے شیمپو سے دھو لیں جس میں کیمیکل موجود نہ ہو۔ یہ عمل ہفتے میں تین بار کریں۔ رفتہ رفتہ اس جگہ کے مردہ خلیات ختم ہو جائيں گے اور نئے خلیے بننے کا عمل شروع ہو جائے گا جس سے بال نکلنا شروع ہو جائيں گے۔ عام طور پر لوگ خشکی اور سکری کو ایک ہی چیز سمجھتے ہیں۔ جبکہ ان دونوں میں واضح فرق ہوتا ہے۔ سکری درحقیقت فنگس کے سبب سر کی جلد کی وہ حالت ہوتی ہے۔ جس سے سر کی جلد پر سفید سفید پاوڈر نما مردہ خلیات ہو جاتے ہیں جو کہ بالوں کی جڑوں کو کمزور کر دیتے ہیں۔ دو چمچ میتھی دانے لے کر ان کو رات بھر کے لیے بھگو دیں۔ اس کے بعد صبح اس کو پیس کر اس میں چار چمچ پیاز کا تیل شامل کر لیں۔ اس محلول کو سر کی ان جگہوں پر لگائیں۔ جہاں پر سکری نظر آ رہی ہو۔ آدھے گھنٹے کے بعد اس کو دھو لیں یہ عمل ہفتے میں دو بار دہرائیں۔ اس عمل بہت فائدہ ہو گا۔

وقت سے پہلے سفید ہوتے بالوں کاحل:

عام طور پر بہت سارے افراد ایسے ہوتے ہیں۔ جن کے بال وقت سے پہلے سفید ہونا شروع ہو جاتے ہیں۔ ایسے افراد زیتون کا تیل، مہندی اور پیاز کے تیل کو ملا کر مہینے میں ایک بار لگائيں۔ دو گھنٹے لگانے کے بعد دھو لیں رفتہ رفتہ سفید ہوتے بال قدرتی طور پر ہمیشہ کے لیے اپنی اصلی رنگت پر آجائيں گے۔