مرگی کا قدرتی علاج

۔
بجورا لیموں (citrus medica) کی ہی فیملی ہے۔ اس کا درخت جھاڑی نما درمیانہ قد کا ہوتا ہے۔ پتے کاغذ کی طرح لیکن نیبو سے کچھ چوڑے و لمبے، پھول سفید رنگ کے اور خوشبودار ہوتے ہیں۔ پھل عام لیموں سے کچھ بڑے، نوک دار اور بعض سنگترے کے برابر ہو جاتے ہیں لیکن ان میں بیج زیادہ ہوتے ہیں۔ ذائقہ کھٹاس لئے ہویَ میٹھا ہوتا ہے۔ اس کا رنگ پہلے سبز پکنے پر سنگترے کی طرح زرد یا زرد سرخی مائل ہو جاتا ہے۔
۔
پاکستان کے علاوہ اس کے پودے قریباً تمام ہندوستان میں پایَ جاتے ہیں۔
۔
بجورا میں پائے جانے والے کیمیاوی اجزاء:
بجورا میں سائیٹرک ایسڈ، فاسفورک ایسڈ، فیلک ایسڈ، کاربوج، پروٹین، وٹامن اے، وٹامن بی، وٹامن سی، کیلشیم، پوٹاشیم، میٹا نیسیم، سائیڑیٹ، نا ئیڑیٹس، سائیڑک ایسڈ اور ہپر ڈین (Heperidin) گلکوسائیڈ پایا جاتا ہے۔ اس کے رس میں ایک اڑنے والا خوشبودار تیل ہوتا ہے جس میں سائٹیرین، سائیٹرول،سائی مین اور سائیڑونیلل وغیرہ پائے جاتے ہیں۔
۔
بجورا کے طبی فوائد:
۔
٭ بجورے (bijora) کی سوکھی چھال کا جوشاندہ بناکر پلانا فائدہ مند ہے۔ اس کی جڑ کے ساتھ لہسن، باؤ بڑنگ، نسوت، اجمود اور نیم کے پتے برابر لے کر نیم گرم پانی کے ساتھ پلائیں۔ مقدار خوراک دس گرام تک ہے۔ اس سے پیٹ کے تمام کیڑے ختم ہو جاتے ہیں۔
۔
٭ بجورا، نیبو اور نرگنڈی کا رس اکٹھا کر کے بطور نسوار لیں۔ اسے کم سے کم تین دن ضرور استعمال کریں۔ اس سے مرگی میں فائدہ ہوتا ہے۔
۔
٭ بجورے کی جڑ کو تھوڑے دودھ میں گھس کر پلانے سے بچوں کی قے میں فائدہ ہوتا ہے۔
۔
٭ بجورے کے رس میں سونٹھ، آملہ، چھوٹی پیپل اور شہد ڈال کر چٹائیں۔ اس سے ہچکی رک جاتی ہے۔
۔
٭ بجورے ،آم اور ادرک کا رس تھوڑا گرم کرکے کان میں ڈالیں، اس سے کان کا درد ختم جاتا ہے۔بجورا کے رس میں سجی کھار کا چورن ملا کر کان میں ڈالیں، کان بہنا رک جائے گا۔
۔
٭ اس کے رس میں مصری ملا کر چاشنی بنا لیں اور اس میں پانی ملا کر پلائیں۔ اس کے رس میں شہد اور پپلی کا سفوف ملا کر استعمال کرنے سے قے دور ہوجاتی ہے۔

۔
٭ اس کا رس 20 سے 30 گرام لے کر اس میں کالا نمک اور شہد ملا کر پلائیں، کھانسی میں فائدہ مند ہے۔ بجورا کے رس میں سونٹھ، آملہ، پپلی کا سفوف اور شہد ملا کر چٹائیں۔ اس سے کھانسی میں راحت ملتی ہے۔ بجورا کے رس میں بُھنی ہوئی ہینگ، ترپھلہ، ملیٹھی اور مصری برابر برابر ملا کر باریک سفوف بنائیں، اس کو شہد میں ملا کر چٹائیں۔ اس سے بھی کھانسی میں آرام آجاتا ہے۔
۔
٭ بجورا کے رس میں سیندھا نمک ملاکر اور اس کے پھل کی پھانکوں پر سیندھا نمک چھڑک کر دن میں کئی بار چُوسیں۔ پتھری کے لئے بہت مفید ہے۔ بجو رہ کی جڑ کو ٹھنڈے پانی میں گھس کر پینے سے بھی پتھری پیشاب کے راستے باہر نکل جاتی ہے۔
۔
٭ بجورا کے چھلکوں کو ایک بار بھی چبا لیا جائے تو منہ کی بدبو زائل ہو جاتی ہے۔
۔
٭ بجورا کی جڑ کی چھال، آملہ، ہرڑ، سونٹھ اور پپلا مول میں ملاکر پلانے سے بخار اتر جاتا ہے۔
۔
٭ اس کی جڑ کی چھال اور پھول لے کر چاولوں کے دھوون کے ساتھ پیس کر تھوڑا پانی اور شہد ملا کر پلائیں۔ بواسیر میں فائدہ مند ہے۔
۔
٭ بجورے کی جڑ کے ساتھ، ارنی کی جڑ، دیودار، سونٹھ، کٹیری اور راسنا برابر برابر لے کر سفوف بنائیں۔ اس کو پانی میں پیس کر لیپ کریں۔ اس سے سوجن دور ہوجاتی ہے۔
۔
٭ جن عورتوں کا بار بار حمل گر جاتا ہو ان کے لئے یہ نسخہ فائدہ مند ہیں۔ بجورا کی جڑ یا بیجوں کے ساتھ ناگر کیسر کا سفوف عورت کو دن آنے کے بعد دودھ کے ساتھ پلائیں۔ اس سے حمل رک جائے گا۔
٭ جن عورتوں کو اولاد کی آرزو نہ ہو، یعنی برتھ کنٹرول کرنا چاہتی ہوں وہ بجوراکے ایک بیج کے ساتھ ایک بیج ارنڈ کالے کر دونوں کا سفوف بنا کر اسے استعمال کریں۔
۔
٭ بجورے کے پنچانگ کو سایہ میں خشک کرکے اس کا سفوف بنا لیں اور لیموں کا رس شامل کر کے چھوٹے بیر کے برابر گولیاں بنالیں۔ ایک گولی صبح اور ایک گولی شام پانی سے استعمال کریں۔ اس سے پیٹ کی گیس، اپھارہ دور ہو جائے گا۔
۔
٭ بجورا کو چھیل کر اس کو چیر کر پھانکیں بنالیں اور ایک برتن میں پانی بھر کر اس کا منہ کپڑے سے باندھ کر اس پر بجورا کی پھانکیں رکھیں۔ اس کے بعد برتن کو ڈھکنے سے ڈھک دیں اور اس کے نیچے آگ جلائیں۔ بھاپ میں ابلی ہوئی ان پھانکوں کو کپڑے میں لے کر اچھی طرح دبا کر اندر کا پانی نکال لیں اور چینی کی گاڑھی چاشنی بنالیں اور ان پھانکوں کو اس میں ڈال دیں، مربہ تیار ہے۔ اسے یونانی میں مربہ ترنج کہتے ہیں۔
۔
مقدار خوراک:
20 سے 40 گرام تک دیں۔
۔
فوائد:
یہ مربہ ہاضم ہے، دل اور ہاضمہ کو طاقت دیتا ہے۔
۔
نوٹ: قارئین اس حوالے سے اپنے معالج سے بھی ضرور مشورہ لیں۔