Skip to content

DOWNLOAD our App & Get Upto 30% Off Download Now

حرمل پودے کے طبی فوائد

حرمل پودے کے طبی فوائد - ChiltanPure

بار بار ہونے والے بخار سے نجات ملتی ہے

ایشیا کو یہ اعزاز حاصل ہے کہ یہاں پر سینہ بہ سینہ چلنے والے نسخے اور جڑی بوٹیوں کے استعمال کی روایات اکیسویں صدی میں سائنسی تحقیقات سے بھی ثابت ہوئی ہیں بلکہ ان جڑی بوٹیوں کا استعمال اب سائنسدان بھی کر رہے ہیں اور ان کو تسلیم بھی کر رہے ہیں۔
 
ایسی ہی ایک جڑی بوٹی حرمل (ہرمل) بھی ہے۔ یہ عام طور پرخودرو بوٹی ہے۔ جو قبرستان اور ویرانوں میں بہت پائی جاتی ہے۔ یہ نا صرف پاکستان میں بلکہ ہندوستان، ایران اور افغانستان میں بھی صدیوں سے استعمال کی جارہی ہے۔

یہ پاکستان ،ہندوستان و پڑوسی مما لک میں میں قریباً ہر جگہ پیدا ہوتی ہے۔ عرب، سپین اور جنوبی افریقہ میں بھی پائی جاتی ہے۔
اس کی دو قسمیں ہیں۔ پہلی قسم کے پتے بید کی مانند لیکن اس سے بہت چھوٹے ہوتے ہیں۔ بیج ڈوڈی نما پھیلوں کے غلاف میں ہوتے ہیں۔ جس کا رنگ سفید ہوتاہے۔ اس لئے اسے حرمل اسپند کہتے ہیں۔ دوسری قسم کے پتے گول گول اور گاجر کے پتوں سے قدرے چھوٹے ہوتے ہیں۔ اس کو عام طور سفید پنکھٹر یاں لگتی ہیں۔ اس کا بیج غلافوں میں ہوتا ہے۔ ان غلافوں میں رائی کے دانوں کی طرح سیاہ رنگ کے چھوٹے چوٹے بیج ہوتے ہیں۔ دھونی کے لئے یہ بیج آگ پر چھٹر کتے ہیں جس سے تڑ خنے کی آواز پیدا ہوتی ہے۔ اس کا پودا تین فٹ تک اونچا ہوتاہے۔

حرمل میں پائے جانے والے کیمیائی اجزاء:

حرمل میں چار فیصدی تک تین الکلائیڈز پائے جاتے ہیں۔ ہرمین، ہرمالین، ہرمالول، الکلائیڈز کی مجموعی مقدار میں ہرمالین دو تہائی ہوتا ہے اور ہر مالول میں معمولی ساایک خاص قسم کا تیل بھی پایا جاتا ہے۔

حرمل کے طبی فوائد:

٭ اس جڑی بوٹی کے پتے و بیج مختلف امراض میں استعمال کئے جاتے ہیں۔دماغی امراض کے لئے بہت مفید ہے۔ اس کا بخور زکام میں مفید ہے۔

٭ بحیثیت مسلمان ہمارا یہ عقیدہ ہے کہ نظر بد برحق ہے مگر اس کو ختم کرنے کے لیے ہمارے مذہب میں ماشا اللہ کا لفظ استعمال کیا جاتا ہے اور اس کے برے اثرات سے محفوظ رہنے کے لیے قرآنی آیات کا ورد کیا جاتا ہے مگر ہمارے بڑے بوڑھے اس کے ساتھ ساتھ ان اثرات کو دور کرنے کے لیے گھروں میں حرمل کی دھونی بھی کراتے تھے جن کے مطابق یہ بری نظر کے اثرات سے محفوظ رکھتا ہے۔

٭ سائنسی اعتبار سے یہ بات ثابت شدہ ہے کہ حرمل جراثیموں کے خاتمے میں جادوئی کردار ادا کرتا ہے اور اس کی دھونی کئی دنوں تک گھر کو جراثیموں بیکٹیریا اور وائرس سے محفوظ رکھتی ہے بلکہ اس کی بو سے جراثیم مر جاتے ہیں۔ اسی وجہ سے کسان بھی اس کا استعمال فصلوں کو محفوظ رکھنے کے لیے کرتے ہیں تاکہ فصلیں نقصان پہنچانے والے کیڑوں سے محفوظ رہ سکیں۔

٭ مکھیاں اور مچھر بہت ساری خطرناک بیماریوں کا باعث بن سکتے ہیں جن میں ہیضہ اور ملیریا شامل ہیں اس وجہ سے حرمل کی دھونی ایسے کیڑے مکوڑوں کو دور بھگاتی ہے اور جب تک اس کی بو فضا میں رہتی ہے یہ کیڑے مکوڑے بھی گھر سے دور رہتے ہیں۔

٭ جوؤں سے نجات حاصل کرنے کے لیے سرسوں کے تیل میں تھوڑی مقدار میں حرمل شامل کر دیا جائے اور اس تیل کو سر میں لگانے سے جوؤں کا نہ صرف خاتمہ ہوتا ہے بلکہ مزید جوئیں بھی نہیں ہوتی ہیں اور سر صاف ہو جاتا ہے۔

٭ چند دانے حرمل کے پانی کے ساتھ کھا لینے سے بار بار ہونے والے بخار سے نجات ملتی ہے اور انسان بخار سے نجات حاصل کر سکتا ہے۔

حرمل کے دیگرآ سان و آزمودہ مجربات:

٭ کم سنائی دینے کے مرض میں مولی کا پانی 25 گرام، حرمل کے پتوں کا پانی 25 گرام، تلی کا تیل 40 گرام، آگ پر جوش دیں۔ پانی جل جائے، تیل باقی رہنے پر نتھار لیں۔ دو تین بوندیں نیم گرم کان میں ڈ الیں۔

٭ حرمل کے پانچ گرام تک بیجوں کو السی کے پانچ گرام بیجوں کو ساتھ پیس کر شہد میں ملا کر چاٹنے سے دمہ میں فائدہ ہوتاہے۔
٭ جریان کے مرض میں چھ گرام حرمل بیجوں کا سفوف برابر چینی ملا کر پانی سے کھلائیں۔
٭ پیٹ کے کیڑے کے مرض میں چا ر رتی سے ایک گرام حرمل بیجو ں کا سفوف کیپسو ل میں بند کر کے دیں۔ پیٹ کے کیڑو ں کو مارنے کے علاوہ پرانے ملیر یا کیلئے بھی مفید ہے۔ ان سے ایام بھی کھل کر آتے ہیں۔

٭درد ایام کیلئے سفوف بیچ حرمل 60 گرام،شہد 50 گرام،معجون بنائیںاور دس گرام کھائیں۔درد ایا م کو دور کر نے کے لئے مفید ہے۔

٭ ورم و سوجن پر حرمل کے پتوں کو باندھیں۔ ایسا کرنے سے ورم تحلیل ہوجاتے ہیں۔

٭ زہر یلے زخم پرحرمل کے بیجوں کی دھونی دینے سے گندے اور زہر یلے زخم دور ہوجاتے ہیں۔

٭ سر کی جوئوں کیلئے حرمل کی جڑ کو پیس کرسرسوں کے تیل میں ملا کر بالوں میں لگانے سے سر کی جوئیں مرجاتی ہیں۔

نوٹ: قارئین اس حوالے سے اپنے معالج سے بھی ضرور مشورہ لیں۔

Prev Post
Next Post

Leave a comment

Please note, comments need to be approved before they are published.

Thanks for subscribing!

This email has been registered!

Shop the look

Choose Options

Edit Option
Back In Stock Notification
this is just a warning
Shopping Cart
0 items