Skip to content

DOWNLOAD our App & Get Upto 30% Off Download Now

فلفل دراز کے طبی فوائد

فلفل دراز کے طبی فوائد - ChiltanPure

بد ہضمی میں نہایت مفید

فلفل دراز ایک بیل دار بوٹی کا پھل ہے۔ شہتوت کی مانند ہوتا ہے لیکن اس سے سائز میںچھوٹا ہوتا ہے۔ جب یہ پھل پک جاتا ہے تو سیاہ رنگت اختیار کر لیتا ہے اور اس کی سطح کھردری ہو جاتی ہے۔ جبکہ توڑنے پر اندرسے رنگت سفید نکلتی ہے۔

ہندی میں فلفل دراز کو پپلی ،عربی میں دار فلفل، فارسی میں فلفل دراز پنجابی میں مگھاں،مرہٹی میںپپلی،گجراتی میں لینڈی پیپل،بنگالی میںپیپل، لاطینی میں پیپر لونگم (Pipper Longom) اور انگریزی میںلانگ پیپر(Long Pipper )کہتے ہیں۔

فلفل دراز کی بیل درختوں کے سہارے ہوتی ہے۔ پتے دو تین انچ لمبے، ڈیڑھ سے 3 انچ چوڑے، چکنے اور نو کیلے پان کی طرح مگر چھوٹے ہوتے ہیں۔ ان کا ذائقہ ترش ہوتا ہے۔ اس پودے کی جڑ کو پپلا مول کہتے ہیں۔ یہ جڑیں گرہ دار سخت اور وزنی ہوتی ہیں۔ ان کی رنگت مٹیالی اورخاکستری سیاہی مائل ہوتی ہے۔

یہ پودا ہندوستان میں مدھیہ پردیش کے علاقے مالوہ، بہار، گجرات، آسام، ٹراونکور، نیپال، بھوٹان، ہماچل کی ترائی،نینی تال وغیرہ میں پایا جاتا ہے۔ یہ پتھر، ریت و چونا ملی زمین میں اُگتا ہے۔

فلفل دراز ہندوستانی کھانوں کا ایک بنیادی جز ہے۔ نہاری کا اس کے بغیر مزہ نہیں بنتا۔ جبکہ دیسی علاج میں بھی استعمال کیا جاتا ہے۔ 

فلفل دراز میں پائے جانے والے کیمیائی اجزاء:

فلفل دراز میں سے تیل نکلتا ہے جو اڑنے والا تیل ہوتا ہے۔ اس کا اہم جزو لکلائیڈ پائیرین ہے، جبکہ نشاستہ  اور دیگر مرکبات بھی پائے جاتے ہیں۔

فلفل دراز کے طبی فوائد:

٭ فلفل دراز بھوک نہ لگنے و بد ہضمی میں نہایت مفید ہے۔ اس کا سفوف ایک گرام،گڑ دو گرام،کھانا کھانے کے بعد لینا نہایت مفید ہے۔ 

٭ قدیم زمانہ سے ہی فلفل دراز پیٹ درد کے لئے استعمال ہوتا آ رہا ہے۔ دس گرام فلفل دراز،سونٹھ دس گرام،کا سفوف بنالیں اور ان کے برابر گڑ ملاکر دو گرام استعمال کریں۔

٭ بے ہوشی، دورے، مرگی کی صورت میں فلفل دراز شہد کیساتھ مریض کو چٹائیں تو وہ ہوش میں آ جائے گا۔ فلفل دراز ایک گرام اور شہد تین گرام ملاکر چٹانا مفید ہے۔

٭ بچوں کے موسمی بخار،کھانسی،دمہ اور قے کو دور کرنے میں نہایت مفید ہے۔ تھوڑا سے سفوف شہد میں ملا کر استعمال کرنا نہایت مفید ہے۔

٭ دمہ،کھانسی، ہچکی، گلے کی خراش کو بھی آرام آجائے گا۔

٭ بخار، دست، اُلٹی، زکام، کھانسی میں مفید ہے۔ یہ بچوں کیلئے کامیاب نسخہ ہے۔ خوراک ایک سے دو رتی شہد یا ماں کے دودھ کیساتھ ملا کر دیں۔ 

٭  یہ بچوں کے معدے کو بھی تقویت دیتا ہے اور نظام ہضم کو درست کرتا ہے۔

٭ فلفل دراز، بابڑنگ، سہاگہ بریاں برابر لے کر سفوف بنا لیں۔ ایک گرام کی خوراک صبح و شام گائے کے دودھ کے ساتھ ایام میں یا ایام کے تین یا پانچ دنوں میں عورت استعمال کرے گی تو اس سے حمل نہ ہو گا۔

٭ فلفل دراز معدہ اور کمر کو قوت دیتی ہے اور اعضائے شکنی میں گرمی پیدا کرتی ہے۔ جن کی کمر کے مسلزکمزور ہوں انہیں اسکی معجون کھلائی جاتی ہے۔

٭ نیند لانے کے لئے اسکو استعمال کرنے کا ایک نسخہ شہرت رکھتا ہے۔ کہ ایک ماشہ فلفل دراز پوڈر میں چینی ملا کر دن میں تین بار چاٹا جائے تو انسومینیا کی بیماری کا خاتمہ ہوجاتا ہے۔

٭ فلفل دراز عرصہ دراز سے قوت باہ کیلئے بھی استعمال ہوتا آ رہا ہے۔
٭  یہ مقوی دماغ، مقوی معدہ اور محرک باہ، اخراج بلغم کے لئے بھی استعمال کی جاتی ہے، اطبا اسکی معجون بنا کر قوت باہ بڑھانے کے لئے استعمال کراتے ہیں۔ کیونکہ ضعف باہ میں اسکو نہایت مفید سمجھا جاتا ہے۔

نوٹ: قارئین اس حوالے سے اپنے معالج سے بھی ضرور مشورہ لیں۔

Prev Post
Next Post

Leave a comment

Please note, comments need to be approved before they are published.

Thanks for subscribing!

This email has been registered!

Shop the look

Choose Options

Edit Option
Back In Stock Notification
this is just a warning
Shopping Cart
0 items