روغن لیموں کے طبی فوائد

روغن لیموں کے طبی فوائد

وٹامن سی، پوٹاشیم، فاسفورس، پروٹین، فولاد، وٹامن اے، بی، سی اور کاربوہائیڈریٹس سے بھرپور قدرت کے اس تحفے میں کئی بیماریوں کا علاج موجود ہے۔ لیمن آئل کا استعمال جہاں جسم سے فالتو چربی ہٹا کر کولیسٹرول کم رکھتا ہے، وہیں اس میں پوٹاشیم کی وافر مقدار دل کو کام کرنے کے قابل رکھنے میں مدد دیتی ہے۔ لیمن آئل میں وٹامن سی کثیر مقدار میں پایا جاتا ہے جس کا کام جلدکے امراض کو دور کرنا اور قوت مدافعت بڑھانا ہے جس سے جسم کو بیماریوں اور جراثیموں سے لڑنے کی طاقت حاصل ہوتی ہے۔ لیمن آئل نہ صرف آپ کے موڈ اور توجّہ کو بہتر بناتا ہے بلکہ آپ کو پُرسکون اور متحرک بھی کرتا ہے۔
کاغذی لیموں ترشاوہ خاندان کا ایک اہم رکن ہے۔ اس کی پیداوار دنیا کے ہر حصّے میں ہوتی ہے، پاکستان میں اس کی کاشت زیادہ تر ساہیوال، ملتان، سرگودھا، گجرات، گوجرنوالہ اور رحیم یار خان میں ہوتی ہے۔ صوبہ پنجاب ، صوبہ خیبر پختونخوا اور صوبہ سندھ کے اکثر علاقوں میں بھی کامیابی سے کاشت کیا جاتا ہے۔

غذائی وکیمیائی اجزا:
وٹامن سی، سٹرک ایسڈ،، پوٹاشیم، فاسفورس، پروٹین، وٹامن اے ، بی، سی، فولاد، کاربوہائیڈریٹس وغیرہ پائے جاتے ہیں۔ اس کا چھلکا، تیل ، رس اور بیج غذائی اور ادویاتی اہمیت کے حامل ہیں۔

روغن لیموں کے فوائد:
روغن لیموں کے بے شمار فوائد میں سے چند ایک یہ ہیں۔
٭ ماہرین کا کہنا ہے کہ روغن لیموں میں شامل معدنیات ہڈیوں میں مضبوطی کے ساتھ ساتھ جوڑوں کی حرکت میں سہولت پیدا کرتے ہیں۔ تحقیق کے مطابق دوسرے رس دار پھلوں کی طرح لیموں میں بھی ’’پیکٹن‘‘ نامی ایک مادّہ پایا جاتا ہے جو جسم میں چکنائی جمع نہیںہونے دیتا بلکہ خون میں شکر کی مقدار بھی کنٹرول کرتا ہے۔
٭ روغن لیموں چونکہ انٹی آکسیڈینٹ ہوتا ہے اس لئے جسم سے فاضل مادوں کا اخراج کر کے موٹاپے سے بچاتا ہے۔ ماہرین کے مطابق یہ ایک ایسا ٹانک ہے جس سے آپ اپنے وزن میں کمی لا سکتے ہیں۔ اس کا استعمال جہاں جسم سے فالتو چربی ہٹا کر کولیسٹرول کو کم رکھتا ہے، وہیں اس میں پوٹاشیم کی وافر مقدار دل کو کام کرنے کے قابل رکھنے میں مدد دیتی ہے۔
٭ روغن لیموں میں وٹامن سی کثیر مقدار میں پایا جاتا ہے جس کا کام جلدکے امراض کو دور کرنا اور قوت مدافعت کو بڑھانا ہے اس سے جسم کو بیماریوں اور جراثیموں سے لڑنے کی طاقت حاصل ہوتی ہے۔ اور آپ کا چہرہ اور جلد کیل مہاسوں، دانوں اور خارش سے محفوظ رہتے ہیں۔
٭ روغن لیموں میںشامل پوٹاشیم گردے کی پتھری بننے سے روکتا ہے اور اس کے اجزاء کو سٹرک ایسڈ میں حل کرکے پیشاب کے راستے جسم سے نکال باہر کرتا ہے۔
٭ نظام ہضم میں خرابی معدے میں پیدا ہونے والی تیزابیت کی وجہ سے ہوتی ہے۔ اس کے علاوہ معدے کے انفیکشن یا قبض وغیر ہ کی وجہ سے بھی ہاضمہ خراب ہو سکتا ہے۔ ایسی صورتحال میں روغن لیموں بے حد فائدے مندثابت ہو سکتا ہے۔ اس کا استعمال کرنے سے آپ کا معدہ بہتر طریقے سے کام کر سکے گا اور معدے سے زہریلے مادے خارج ہو جائیں گے۔
٭ روغن لیموں کا ایک اور انتہائی اہم فائدہ خصوصاً کچن میں کام کرنے والی خواتین کیلئے ہے۔ وہ ایسے کہ اکثر کھانا وغیرہ پکاتے ہوئے، گرم چولہے ، برتن کو چھو لینے یا بھاپ لگ جانے سے ہاتھ، یا بازو کا کچھ حصہ جل جاتا ہے ایسی صورت میں پریشان نہ ہوں بلکہ روغن لیموںسے مدد لیں، آپ نے صرف یہ کرنا ہے کہ کالے تل اور خشخاش کو توے پر ہلکا گرم کریں۔ ا س کے بعد ان کا پاؤڈر بنا لیں اور روغن لیموںمیں مکس کرکے لگائیں، اس سے نہ صرف جلن ختم ہو گی بلکہ یہ زخم دیکھتے دیکھتے غائب ہو جائے گا۔
٭ روغن لیموں میں جراثیم کش اجزا ہوتے ہیں، اس لئے اس میں وائرس کا مقابلہ کرنے کی صلاحیت پائی جاتی ہے۔ یہ منہ اور گردوں کے انفیکشنز کو روکتا ہے۔
٭ اس کے علاوہ لیمن آئل نہ صرف آپ کے موڈ اور توجّہ کو بہتر بناتا ہے بلکہ آپ کو پُر سکون اور متحرک بھی کرتا ہے۔ یہ بخار، دمہ اور تھکاوٹ دور کرتا ہے۔

٭٭٭٭٭