بلغم کا خاص جلاب

جلاپا ایک بوٹی کی گرہ دار جڑ ہے جو شلغم کے رنگ کے برابر ہے۔ باہر سے سیاہ،  اندر سے زردی مائل ہوتی ہے۔ یہ میکسیکو (امریکہ) اور ہندوستان کے پہاڑی علاقوں میں عام طور پر موسم گرما میں پیدا ہوتی ہے۔ اگر جڑ بڑی ہو تو اس کے دو دو چار چار ٹکڑے کٹے ہوئے ہوتے ہیں۔ اس کی بو دھوئیں کی طرح ہوتی ہے۔ سفوف کی شکل میں بھی اس کی بو میں کوئی فرق  نہیں آتا۔ اس کا ذائقہ شروع میں میٹھا اور بعد میں بدمزہ لگتا ہے۔

جلاپا میں پائے جانے والے کیمیائی اجزاء:

جلاپا میں ریزن 9 سے11 فیصدی تک پائی جاتی ہے۔ اس میں جیلے پین 10فیصدی ہوتا ہے جو ایتھرمیں حل ہو جاتا ہے۔ اس کے علاوہ دو گلوکوسائیڈ پائے جاتے ہیں۔

جلاپا کے طبی فوائد:

٭ جلاپا قے اور دست لاتی  ہے۔

٭پیٹ درد، عرق النساء، شدید قبض، قولنج، منہ ٹیڑھا ہو جانے جیسے امراض میں بہت مفید ہے۔

٭ ایسے امراض جن میں دستوں کے ذریعے پانی کا اخراج مقصود ہو تو اس کا استعمال کرنا چاہئے۔

٭ طب یونانی کے نظریہ کے مطابق یہ بلغم کا خاص جلاب ہے۔
 
٭ قولنج میں جلاپا، سونٹھ ہردو ایک ایک گرام، چینی سفید 10 گرام ملا کر ایسی ایک خوراک روزانہ سات دن تک 20 گرام گل قند میں ملاکر نیم گرم عرق سونف 100گرام کے ساتھ دیں۔

احتیاط:
٭ اگر آنتوں میں ورم ہو تو یہ دوا نہیں دینی چاہیے۔

٭ حاملہ کو کبھی بھی استعمال نہیں کرانا چاہئے۔

نوٹ: قارئین اس حوالے سے اپنے معالج سے بھی ضرور مشورہ لیں۔