روغن توریا کے طبی فوائد

ریپسیڈ ایک چمک دار پیلے رنگ کا پھولدار پودا ہے جس کی کاشت بنیادی طور پر اس کے تیل سے بھرپور بیج کے لئے کی جاتی ہے، ریپسیڈ خوردنی تیل کا تیسرا جبکہ پروٹین کا دوسرا سب سے بڑا ذریعہ ہے۔ دنیا بھر کیساتھ ساتھ پاکستان میں بھی یہ کاشت ہوتا ہے۔ آبپاش علاقوں میں توریا کی پیداواری صلاحیت 15 سے 18من فی ایکڑ ہے ۔

ریپسیڈ آئلمیں موجود اجزا:
ریپسیڈ آئل میں درج ذیل صحت بخش اجزاء پائے جاتے ہیں:
کیلوریز
وٹامن ای
وٹامن کے
چکنائی

ریپسیڈ آئل کے فوائد:
٭ ریپسیڈ آئل اومیگا سے بھرپور ہوتا ہے جو عموماً مچھلی اور اس کی مصنوعات میں میں پایا جاتا ہے۔ اومیگا 3 فیٹی ایسڈ ان بہترین غذائی اجزا میں شامل ہے جو دماغ کی صحت کو فائدہ پہنچا سکتے ہیں۔ یہ دماغی خلیوں کی قابلیت کو بڑھا کر، ان کے رابطے کو فروغ دیتا ہے۔ اومیگا 3 ایک مضبوط اینٹی آکسیڈینٹ بھی ہے، جو مجموعی طور پر صحت کے لئے بہت مفید ہوتا ہے۔ اس میں ضروری فیٹی ایسڈ میں اومیگا 6 بھی شامل ہوتا ہے جو سانس کے نظام، گردشی نظام اور دماغ کو فائدہ دیتا ہے۔ ماہرین مشورہ دیتے ہیں کہ ہمیں اومیگا 6 اور اومیگا 3 کو 2: 1 کے تناسب سے استعمال کرنا چاہئے، اور اس کے لئے ریپسیڈ آئل سے بہتر شائد ہی کوئی چیز ہو۔
٭یوں تو وٹامن ای متعدد اشیا میں موجود ہوتا ہے جیسے مونگ پھلی، پالک، بادام، شکرقندی، ایواکاڈو (مگر ناشپاتی) وغیرہ۔ تاہم، یہ بات قابل ذکر ہے کہ ریپسیڈ آئل میں بھی وٹامن ای وافر مقدار میں پایا جاتا ہے۔ اس لئے یہ آنکھوں، جلد اور بالوں کے ساتھ ساتھ قوت مدافعت کے نظام کے لئے بھی بہترین ٹانک ہے۔
٭ ریپسیڈ آئل میں کسی بھی دوسرے تیل کے مقابلے میں چکنائی کم ہوتی ہے۔ یہ خوبی اس کو دل کیلئے مفید بناتی ہے اور وزن قابو میں رکھتی ہے۔ اس کا استعمال ایل ڈی ایل کولیسٹرول (خراب کولیسٹرول) کو قابو میں رکھتا ہے۔
٭ ریپسیڈ آئل فائٹوسٹرولز سے بھرا ہوتا ہے۔ اگر ہم فائٹوسٹرولز والے کھانے کھاتے ہیں تو اس سے ہمارے خلیے مثبت انداز میں کام جاری رکھتے ہیں جس سے ہمارا مدافعتی نظام بہتر رہتا ہے۔
٭بہت سے لوگوں کو چہرے پر داغ دھبوں اور کیل مہاسوں کا سامنا کرنا پڑتا ہے۔ ریپسیڈ آئل میں اینٹی آکسیڈینٹ اور وٹامن ای ہوتا ہے جو جلد کو صحت مند رکھنے میں معاون ہوتے ہیں۔ اس کے علاوہ ریپسیڈ آئل میں ایسی منفرد خصوصیات ہوتی ہیں جو جلد کو نرم اور تروتاہ رکھتی ہیں۔ جلد پر اس کا مساج دیر تک اثر کرتا اور خارش اور جلن سے نجات دلاتا ہے۔