.

پیازی جسے گندنا بھی کہتے ہیں، ایک مشہور و معروف بوٹی ہے۔ اس کے پتے پیاز کے پتوں کی طرح اور اس کا پودا تمام سال بھر رہتا ہے جب بڑا ہو جاتا ہے تو اس کے درمیان سے ایک ڈنٹھل نکلتا ہے اور اس ڈنٹھل کے سر پر پھول اور بیج ہوتے ہیں۔ اس کے بیج پیاز کے بیجوں کی طرح سیاہ ہوتے ہیں اور اس کو بھی دوسری ترکاریوں کی طرح کچا اور پکا کر کھایا جاتا ہے۔

.

پیازی خاص طور پر گندم اور چنے کی فصل میں عام پائی جاتی ہے۔ یہ مصر کے جزیرہ نما سینا میں اگتی ہے۔ آبائی طور پر اس کا تعلق خطہ بحیرہ روم، ایشیا اور جزائر ماسکارین سے ہے۔ یہ عام طور پر جزائر کناری، بحیرہ روم کے پار، مشرق وسطی اور افغانستان میں پایا جاتا ہے۔

.

اسے اردو زبان اور فارسی میں گندنا کہتے ہیں جبکہ پنجابی میں پیازی اور پوغاٹ کہلاتا ہے، اسے پاکستان میں جنگلی پیاز کے نام سے بھی جانا جاتا ہے۔ انگریزی میں اسے ( Asphodelus Tenuifolius) اور (Leek Onion) بھی کہتے ہیں۔

.

٭ پیازی کا رس بلغمی دمہ کے لئے نہایت مفید ہے۔ کھانا کھانے کے بعد کھانے سے معد ہ کی ترشی دور ہوجاتی ہے۔ بواسیر کے لئے بہت ہی مفید ہے۔ اس کا رس مناسب مقدار میں پینے سے بواسیر کا خون رک جاتا ہے جگر اور تلی کے امراض کے لئے پیازی (گندنا) کا اچار بہت مفید ہے۔ ایام کھولنے کے لئے پیازی کا جوشاندہ بہت مفید ہے۔ بعض لوگ پیازی کے بیج کو گیہوں کے ساتھ ملاکر بطور غذا کے استعمال کرتے ہیں لیکن اس کا کثرت سے استعمال صحت کے لئے مضر ہے۔

.

پیازی کے بیج اور پتے ہی استعمال کئے جاتے ہیں۔ پتے خشک شدہ 3سے 5گرام، بیج 5گرام۔

.

٭ پیازی کے بیجوں سے تیل بھی نکالا جاتا ہے جو متعدد امراض میں نہایت شفا بخش ہے۔

.

٭ جو ڑوں کے درد وں میں روغن پیازی کی مالش کرنے سے درد کو تسکین ملتی ہے۔

.

٭ امراض جلد میں اس کی مالش سے داد، کھجلی وغیرہ دور ہو جاتی ہے۔

.

.

٭ پیازی کے پتوں کا پانی نکال کر صاف کر لیں اور اس کے برابر تلوں کا تیل ملا کر پکائیں، جب پانی خشک ہوجائے تو تیل صاف کرکے رکھ دیں۔ جوڑوں کے دردوں و ہر قسم کے دردوں میں اس کی مالش مفید ہے۔

.

٭ پیازی کے پتوں یا بیجوں کو پانی کے ساتھ پیس کر سانپ یا بچھو کے کاٹے پر لیپ کرنے سے زہر کا اثر دور ہوجاتا ہے۔